පෙන් එකෙන් boot කරන්න software ඕනෙමද?

කොහොමද යාළුවනේ, මේ දවස්වල ගොඩක් දෙනෙක්ට තියන ප්‍රශ්ණයක් තමා CD ROM එකක් නැති මැෂින් එකකට වින්ඩෝස් දාගන්නෙ කොහොමද කියන එක. ඉතින් මේ ගැටළුවට තියන සරළම විසඳුම තමා bootable pen drive එකක් භාවිතා කරන එක. නමුත් අපි කොහොමද අපේ pen drive එක bootable disk එකක් කරගන්නෙ? 

ඉතින් අද ඔයාලට කියලාදෙන්න යන්නේ කිසිම software එකක් භාවිතා කරන්නෙ නැතුව ඉතාම පහසුවෙන් USB pen drive එකක් bootable drive එකක් බවට පත්කරගෙන ඒ හරහා පරිගනකයට මෙහෙයුම් පද්ධතිය (Operating System) install කරගන්නෙ කොහොමද කියන එක ගැන. ගොඩක් දෙනෙක් මේ ගැන අහලා තිබුනු නිසා ලියන්න හිතුනා. ඉතින් කියවලාම බලන්නකො කොහොමද කියලා…

අපි මේ වැඩේ කරගන්න යන්නෙ command prompt එකේ කුඩා commands කිහිපයක් type කිරීම මගින්. එහෙනම් මුලින්ම Start > All programs > Accessories > Command prompt කියන තැනට ගිහින් command prompt එක open කරගන්න. දැන් ඔයාලට මෙන්න මේ විදිහට command prompt එක දැකගන්න පුළුවන් වෙයි.

දැන් ඔයාලගෙ command prompt එකේ diskpart කියලා type කරලා enter කරන්න. එතකොට සමහරවිට අළුතින් command prompt window එකක් open වෙයි. එහෙම නැත්නම් cursor එක තියන තැන DISKPART කියලා වෙනස් වෙයි මෙන්න මේ විදිහට.

 

මෙතනින් ඉස්සරහට යන්න නම් ඔයාගෙ Pen Drive එක මැෂින් එකට plug කරලා තියෙන්න ඕනෙ. දැනට plug කරලා නැත්නම් දැන් කරන්න.

දැන් ඔයාලට කියන්න යන්නෙ type කරන්න ඕනෙ command ටික. අපැහැදිලි තැනක් ආවොත් පහලින් දාලා තියන photo එක බලන්න. ඒකෙ තියනවා commands ටික type කලාම දැකගන්න පුලුවන් වෙන විදිහෙ screenshot එකක්.

එහෙනම් මුලින්ම DISKPART එකේ මෙන්න මේ විදිහට type කරන්න. හැම command එකක් අවසානයේම enter press කරන්න අමතක කරන්න එපා! හැම command එකකම අවසානයේ වරහන් ඇතුලෙ press enter කියලා දාලා තියෙන්නෙ ඒක ඔයාට මතක් වෙන්න. Press enter කියලා command line එකේ type කරන්න එපා!

• list disk (press enter)

දැන් ඔයාලට ඔයාලගෙ පරිගනකයට සම්බන්ධ කරලා තියන disk drives වල list එකක් ලැබෙයි. ඒ list එකේ තියන disk වල size එකෙන් ඔයාගෙ pen drive එක හඳුනාගන්න පුළුවන්. උදාහරණයක් විදිහට මගෙ pen එක 8GB නිසා size කියන තැන 7632 MB කියලා වැටිලා තියෙන්නෙ ඒක බව හඳුනාගන්න පුළුවන්. ඔයාලගෙ pen drive එකෙත් capacity එක ආසන්න වශයෙන් දැකගන්න පුළුවන් වෙයි. එතනින් නිවැරදිව හඳුනාගන්න.

• select disk # (press enter)

මෙතනදි # සලකුණ තියන තැනට කලින් ලැබුනු list එකේ ඔයාගෙ pen drive එකට අදාල disk number එක ලබාදෙන්න ඕනෙ. මගෙ උදාහරණයේ විදිහට නම් අංක 2. දැන් ඔයාට අදාල disk එක select වුනු බවට message එකක් ලැබෙයි.

• list partition (press enter)

දැන් ඔයාගෙ disk එක partition කරලා නම් තියෙන්නෙ partitions list එකක් ලැබෙයි. මගෙ pen drive එක නම් partition කරලා නැති නිසා එක partition එකයි පෙන්නන්නෙ. ඔයාලගෙත් බොහෝ විට මේ විදිහම වෙයි. Partitions කිහිපයක් තියනවනම් OS එක copy කරගන්න ප්‍රමාණවත් ඉඩක් තියන partition එකක් තෝරගන්න.

• select partition # (press enter)

නැවතත් # සළකුණ තියන තැනට ඔයා තෝරගත්තු partition එකේ number එක ලබාදෙන්න ඕනෙ. එක partition එකයි නම් තියෙන්නෙ ඒකෙ අංකය (බොහෝවිට 1)

• active (press enter)

මේ command එක මගින් තමා ඇත්තටම ඔයාගෙ pen drive එක active partition එකක්, එහෙමත් නැත්නම් bootable disk එකක් බවට පත් කරන්නෙ.

• format fs=ntfs quick (press enter)

මේකෙන් වෙන්නෙ pen එක NTFS කියන file system එකට format වෙන එක. Quick කියලා දාන්න අමතක කරන්න එපා. නැත්නම් format වෙන්න ගොඩක් වෙලා යන්න පුළුවන්. ඒත් ඔයාට full format එකක් ඕනෙ නම් format fs=ntfs විතරක් type කරලා enter කරන්න. හැබැයි එතකොට ටිකක් වෙලා බලන් ඉන්න වෙනවා. කොහොමහරි format වෙන ප්‍රතිශතය පහලින් පෙන්වයි. ඒක 100% වෙනකන් ඉන්න ඕනෙ.

වැඩේ හරියට තේරුනේ නැත්නම් මේ screenshot එක බලන්න. ඔයා commands ටික හරියට type කලා නම් ඔයාටත් මෙන්න මේ වගේ එකක් ලැබෙන්න ඕනෙ.

හ්ම්ම්… දැන් වැඩේ ඉවරයි. අන්තිමට මේ command එක type කරලා DISKPART එකෙන් ඉවත් වෙන්න.

• exit (press enter)

දැන් ඔයාගෙ Windows (හෝ වෙනත් ඕනෑම මෙහෙයුම් පද්ධතියක්) DVD එකේ තියන files ඔක්කොම අඩු නැතුව pen එකට copy කරගන්න. ඊට පස්සෙ bootable device එක විදිහට pen එක select කරලා boot කරලා බලන්නකො මොකද වෙන්නෙ කියලා.

වැඩේ අර්නිවාර්යෙන්ම සාර්ථක වෙයි.

ඒ උනත් මොනවහරි ගැටළුවක් ඇති උනොත් පහලින් comment එකක් දාලා අහන්න.

මේ post එක ගැන හිතෙන ඕනෙම දෙයක් comment කරන්න. කැමතිනම් Anonymous විදිහටත් comment කරන්න පුළුවන්.

Post එක හොඳයි නම් පහලින් like කරන්න Share කරන්න වගේම අපේ Google+ page එකට +1 එකක් follow පාරක් දාන්නත් අමතක කරන්න එපා! අපිට ඔයාලගෙ ප්‍රතිචාර ගොඩක් වටිනවා. ඒවා තමා මේ ලියන දේ වෙනුවෙන් අපිට ලැබෙන එකම දේ.

එහෙනම් තවත් දවසක මේ වගේ තාක්ෂණික ලිපියකින් හමුවෙමු.

෴ස්තුතියි෴

Copyleft (ɔ) 2013 Technology සිංහලෙන්